በኢትዮጵያ የሚኖሩ እና ሕጋዊ የመኖሪያ ሰነድ የሌላቸው የውጭ ሀገር ዜጎች ሰነዳቸውን ሕጋዊ እንዲያደርጉ የኢሚግሬሽን እና ዜግነት አገልግሎት ጥሪ አቀረበ።

የኢሚግሬሽን እና ዜግነት አገልግሎት ዋና ዳይሬክተር ወ/ሮ ሰላማዊት ዳዊት ጉዳዩን አስመልክቶ በሰጡት መግለጫ 

• ሐሰተኛ ሰነድ ያላቸው የውጭ ሀገር ዜጎች  እና የኢሚግሬሽን ስርአትን ሳያሟሉ በህገ ወጥ መንገድ ወደ ሀገር ገብተው እየኖሩ ያሉ እና ህጋዊ ስርዓት ውስጥ ያልገቡ፣

• ቪዛ እና የመኖሪያ ፈቃድ ሳያድሱ በህገ ወጥ መንገድ ከተፈቀደላቸው ጊዜ በላይ የሚቆዩ እና 

• ካምፓኒ ምዝገባ ሳያከናውኑ የውጭ ዜጐችን እያሰሩ ያሉ ተቋማቶች መኖራቸውን በተደረገ ማጣራት አረጋግጠናል ብለዋል።

እነዚህ ሕጋዊ ሰነድ የሌላቸው ዜጎች ቁጥር ከፍተኛ መሆኑን ያነሡት ዋና ዳይሬክተሯ ከጥር 1 እስከ ጥር 30 ቀን 2016 ዓ.ም በ1 ወር ጊዜ ውስጥ ወደ ተቋሙ ዋና መ/ቤት በመቅረብ እንዲመዘገቡ እና ወደ ህጋዊ የምዝገባ ስርአት እንድትገቡ ጥሪ አቅርበዋል።